Nakalimutan Mong Gumulong

~ Bingskee

Noong Biyernes, nang makita ko ang kaliwang bahagi ng mukha mo na puro pasa at namamaga, parang hiniwa ang puso ko. Nanlaki ang ulo ko. Nadapa ka pala sa UP nang papunta ka sa CR. Hindi mo pala kasama si Kay kasi siya ang nakapila para sa enrollment.

Ang kwento mo sa akin, sumabit ang sapatos mo sa isang nakausling bato at uma-ambon-ambon pa noon. Pinilit mong iniiwas ang iyong mukha, pero paano mo gagawin iyon? Buti na lamang at walang nakausling bato sa binagsakan ng iyong mukha. Sumakit ang kanang balikat mo at hanggang sa kinabukasan ay hindi mo na ito maitaas dahil sa sakit. Napuwersa, Papsie, ang kanang balikat at braso mo sa pagpupumilit mong makaiwas.

Naalala ko noong anim na buwan pa lang si Daryl noon at siya ay karga mo. Nasabit ang tsinelas mo sa isang nakausli ring bato. Bago pa man bumagsak si Daryl ay nagawa mo nang igulong ang katawan mo upang hindi siya ang humampas o mahulog. Puro galos ka rin noon. Buti na lamang at walang grabeng nangyari sa inyong dalawa. Takot na takot ako noon at pinagbawalan ka nang lumakad na karga-karga si Daryl.

Iyon ang nakalimutan mo, Papsie, ang igulong ang katawan para hindi ka gaanong nasaktan. 🙂 O talaga lamang mas mabigat ka na ngayon kaya hindi mo kinayang igulong ang katawan? O nawala ang pagka-stunt man mo?

Ngayon ko naisip, hindi ka dapat lumalakad nang nag-iisa at walang kasama. Iika-ika ka na ngang maglakad at hindi na rin bumabata, at bumibigat pa. Huwag sanang matigas ang ulo at sundin ang mga payo.

Sabi nila dapat asahan ang mga hindi inaasahan. Ang aksidente ay nangyayari kahit na nga nag-iingat.

Published by Bingskee

"None of us is as smart as all of us," says Ken Blanchard. Like Mr. Blanchard, I believe that we cannot survive alone. We are social beings. In everything we do, we need others for help and to help. In this light, I am here to offer my service as a content writer, to play a part in growing your business. Let’s create a spark together! I am fondly called Bing (for short) by many. You can call me by this name, too. I am sure we’ll have a beautiful friendship while we make it easy for our audience to perceive and understand our business ideas.

10 thoughts on “Nakalimutan Mong Gumulong”

  3. Tutuo nga. Kailangang mag-ingat. Hindi na tayo bumabata. hehehe. Kawawa naman.

    My migration to WordPress was successful, except for a few glitches. And there's still lots of tinkering to do. Thanks for the help. 🙂

    Like

    Reply

  4. ay! buti nga wlang batong nakauslit na tumama sa mukha.. dpat na yata ikuha ng personal alalay. hehehe… buti na lang he's okei na.. eyelid shadow na lang ang naiwan.. hehehe..

    Like

    Reply

  6. hi, irene! was able to had a glimpse of your new site. congrats! hope you will enjoy WP.

    oo nga, din=din.

    thanks, rhada. hindi ako masyadong nakakapasyal sa mga haybols nyo. kulang talaga ang time ng isang working mom. how are you?

    Like

    Reply

  7. pag natumba ka dapat hayaan mo lang yung sarili mong mahulog… wag mong ikakampay yung braso mo… dapat nakadikit lang sa katawan para maiwasan yung neck at clavicular injuries…

    Like

    Reply

  9. Hello bing! ka chat ko kahapon friend ko, nasabit daw yung takong ng shoes nya sa may pinto ng Robinson, dapa rin sya. napahiya sa dami ng tao kaya napapasok sa net cafe.

    Hope ok na si papsie mo.

    Like

    Reply

  10. you mean to say, huwag itukod, monmon? our tendency kasi when we fall is to take defense.

    🙂 sabi nga nya, melai. pero iba ako magalit, e.

    hay, naku, ann, kung sa experience lang, ang dami ko. ang pinakagrabe is when i landed on the ground, puro ako galos at sugat noon at yung isa when i board the LRT, semplang din ako noon.

    Like

    Reply

Leave a comment